Оршуулган дээрээ амилав
2019 оны 7 сарын 4
Энэтхэгийн Уттар-Прадеш мужийн Лакхнау хотын оршин суугч нэгэн эрэгтэй өөрийнхөө оршуулгын үеэр амь оржээ.

Зургаадугаар сарын 21-ны өдөр зам тээврийн осолд орсон 20 настай Мохаммед Фуркан (Mohammad Furqan)-ыг хувийн эмнэлэгт хүргэсэн байна. Харин 24-ны Даваа гарагт эмнэлгийнхэн өвчтөнийг таалал төгссөн хэмээн цогцсыг нь гэр бүлийнхэнд нь хүлээлгэн өгчээ. 

Уй гашууд автсан гэрийнхэн нь нутаглуулах зан үйлийг хийж байтал “талийгаач” хөдөлж эхэлсэн байна. Өөр эмнэлэгт яаралтай хүргэж эмч нарт үзүүлтэл амьд байгааг нь нотолж, эрчимт эмчилгээг эхлүүлжээ.

Азтай залуугийн ах Мохаммед Ирфан (Mohammad Irfan) хувийн эмнэлгийн эмчилгээний төлбөрт 700 мянган рупи төлөөд мөнгөгүй болсноо учирласны маргааш л дүүг нь амь тавьсан тухай хэл дуулгасан гэнэ.

Тус хотын Ерөнхий эмч, доктор Нарендра Агарвал (Narendra Agarwal) хэрэг явдлыг нухацтай шалгахаа мэдэгджээ.
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
Үндсэн хуульд нэмэлт өөрчлөлт оруулахыг та зөв гэж бодож байна уу?
  • Тийм
  • Үгүй
  • Мэдэхгүй