Эмчлүүлэгчээ таних системийг нэвтрүүллээ
2019 оны 7 сарын 5
Улсын хэмжээнд анх удаа Төрийн тусгай албан хаагчдын нэгдсэн эмнэлэг хэвтэн эмчлүүлэгчдээ нэгдсэн цагаан хэрэглэл, эмнэлгийн хувцас, эмчлүүлэгчээ таних систем буюу гарын бугуйвчаар хангасан байна.

Энэхүү шинэ технологийг нэвтрүүлснээр тус эмнэлэг гадаадын эмнэлгийн жишигт хүрч үйлчлэх, бусад салбар эмнэлгийг уриалах, үйлчлүүлэгч төвт эмнэлгийн тусламж үйлчилгээний чанарыг сайжруулж буй юм.

Эмчлүүлэгчээ таних систем буюу гарын бугуйвч нь эмч, сувилагч үйлчилгээ үзүүлэхэд тухайн өвчтөн мөн эсэх, хэдэн настай, аль тасаг, ямар оноштойг нь тодорхойлох юм. Ингэснээр үйлчилгээний аюулгүй байдал, эмнэлгийн алдаа зөрчил гаргахаас сэргийлэх аж. 

Мөн тус эмнэлэгт “Цахим эмнэлэг болох” төсөл хэрэгжиж буй бөгөөд цаашид энэхүү төсөл бүрэн хэрэгжүүлж дуусвал эмчлүүлэгчээ таних систем буюу гарын бугуйвч нь тухайн өвчтөн ямар эмчилгээ хийлгэх ёстой вэ гэдгийг ч хүртэл харуулах юм. 
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
Үндсэн хуульд нэмэлт өөрчлөлт оруулахыг та зөв гэж бодож байна уу?
  • Тийм
  • Үгүй
  • Мэдэхгүй