Өлөн муур эздээ баяжуулав
2019 оны 8 сарын 15
Английн Ноттингемшир гүнлэгийн Мэнсфилд хотын нэгэн гэр бүлийн хоёр муураа хооллохоо мартсаны “ачаар” хонжворт сугалаанаас их мөнгө хожжээ.

Эндрю Хэнкок (Andrew Hancock) ажлаа таран гэртээ ирсэн хойноо хайртай муур “Бялуухан” (Shortcake)-даа хоолыг нь авахаа мартсанаа санасан байна. Гэрийнхээ ойролцоох ШТС-аас муурын хоол авах гэж ороод хонжворт сугалааны тасалбар худалдан авсан ч гол зорилгоо мөн л умартжээ.

Автомашиндаа суухдаа сая фунт стерлинг хожсоноо мэдээд гэрийнхээ зүг улаан галзуу давхисан байна.

“Түүнийг Паула, Паула гээд орилоод ороод ирэхээр нь муу юм тохиолдож гэж бодсон шүү” хэмээн Хэнкокын эхнэр өгүүлжээ.

Хонжворынхоо мөнгөөр хүүдээ шинэ гар утас авч өгсөн азтанууд дэлхийгээр тойрон аялалд мөнгөө зарцуулах хүсэлтэй байгаа аж.

Мөнгө хожиход “тусалсан” муурандаа үнэн голоосоо баярлаж байгаа Паула “Бид муужгайндаа маш их талархаж байгаа. Мөн нөхрийнхөө ой санамжинд, үнэнээ хэлэхэд мартамхайд нь баярлаж байгаа шүү” хэмээн сэтгүүлчдэд ярьсан байна.
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
Үндсэн хуульд нэмэлт өөрчлөлт оруулахыг та зөв гэж бодож байна уу?
  • Тийм
  • Үгүй
  • Мэдэхгүй