Талийгаачийг торгожээ
2019 оны 8 сарын 16
Английн Стаффордшир гүнлэгийн Ньюкасл-андер-Лайм хотын оршин суугч зүрхний шигдээсээр үхсэнийхээ дараа торгуулсан байна.

Энэ оны хоёрдугаар сард 51 настай Ли Хикин (Lee Hickin) автомашинаасаа бууж хэд алхан эхнэрийнхээ нүдэн дээр үхэтхийн унажээ. Түргэн тусламжийн тэргэнд суун явахдаа түүний эхнэр автомашиныг нь төлбөртэй зогсоол дээр үлдээсэн байна. Автомашинаа тав хоногийн дараа авчээ.

“Удалгүй зогсоолын төлбөрийг нэхэмжилсэн баримтууд ирэх болсон. Машины эзэн таалал төгссөн гэдгийг хэдэнтээ учирласан ч нэхэмжлэх ирсээр л байгаа” хэмээн бэлбэсэн эхнэр нь өгүүлэв.

Төлбөр 75 фунт стерлинг болсон агаад автозогсоолын ажилтнууд шүүхэд хандахаа мэдэгдсэн гэнэ.

“Тэд үүнийг хүсч байгаа бол сайн л биз. Шүүх хурал дээр сайн ичээгээд өгье л дөө” хэмээн талийгаачийн эхнэр “томорсон” байна.

Харин автозогсоолын төлөөлөгчид, талийгаачийн эхнэр Сара Фокс (Sarah Fox)-той аль дөрөвдүгээр сард холбогдож, нөхрийнхөө нас барсан гэх баримтын хуулбарыг илгээхийг хүссэн ч өнөөг хүртэл хүлээн аваагүй байгаа гэнэ.

“Харамсалтай нь бидэнд нас барсныг гэрчлэх баримтын хуулбарыг ирүүлээгүй л байна. Уг нь байнга л ярьж хэлдэг юм. Баримт ирэнгүүт л бид мөнгө нэхэмжлэхээ болино” гэсэн тайлбарыг автозогсоолын ажилтан хийсэн байна. 


Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
Үндсэн хуульд нэмэлт өөрчлөлт оруулахыг та зөв гэж бодож байна уу?
  • Тийм
  • Үгүй
  • Мэдэхгүй