“Бавария” Коутиньог зээлээр авлаа
2019 оны 8 сарын 17
Мюнхены “Бавария” баг “Барселона”-тай хагас хамгаалагч Филиппе Коутиньог нэг жил зээлээр тоглуулах, харилцан тохиролцсон тохиолдолд худалдан авах гэрээг байгуулах тохиролцоонд хүрчээ. 

Ойрын өдрүүдэд бразил хагас хамгаалагч эрүүл мэндийн үзлэг болон зээлийн гэрээг үзэглэхээр Мюнхен хотод ирэх аж.

“Би спортын захирлын хамт Барселона хотод тоглогч болон багийн удирдлагуудтай уулзалт хийн тохиролцоонд хүрлээ” хэмээн “Бавария” багийн УЗ-ын дарга, алдарт Карл-Хайнц Румменигге сэтгүүлчдэд мэдэгджээ.

Өнгөрсөн оны нэгдүгээр сард Английн “Ливерпүүл”-ээс “Барса”-д 120 сая еврогоор ирж байсан Коутиньо Каталоны багийн төлөө 76 тоглолтод оролцож 21 гоол оруулсан юм.
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
Үндсэн хуульд нэмэлт өөрчлөлт оруулахыг та зөв гэж бодож байна уу?
  • Тийм
  • Үгүй
  • Мэдэхгүй