Хууль бус эм зөөвөрлөж явсан Монголын дипломатууд Германд баригджээ
2019 оны 8 сарын 17
2018 оны арванхоёрдугаар сард Унгарын нийслэл Будапештаас Берлин рүү дипломат дугаартай автомашинаар их хэмжээний эм тээвэрлэж яваад баригдсан Монгол Улсын хоёр иргэний тухай мэдээлэл наймдугаар сарын 15-ны өдрийн Германы хэвлэлүүдэд нийтлэгджээ. Тэднийг шүүх хурал явагдаж байгаа бөгөөд шүүхийн шийдвэр ирэх долоо хоногт гарах ажээ.

“2018 онд цагдаа нар Будапештын Монгол Улсын консулын газрын атташе Т.Мөнхбат (53 настай), жолооч Э.Оргил (38 настай) нарыг дипломат дугаартай “Мерседес Бенц” машинтай А17 чиглэлийн хурдны зам дээр явахад нь саатуулсан. Тэд 150 мянган ширхэг өвчин намдаах зориулалттай “Лоразепама” эмийг хил нэвтрүүлэх гэж байсан бөгөөд энэ нь зах зээлийн ханшаар 600 мянган еврогийн үнэ хүрэх бараа юм. Дээрх монголчуудад холбогдох хэргийг шалгаж байна. Сэжигтнүүд “Будапештын консулын газрын машинаар Берлинд хүргэх дипломат шуудан зөөж байсан. Дотор нь юу байгааг мэдээгүй” хэмээн мэдүүлээд байгаа юм" гэсэн мэдээ "Mongolische Diplomaten schmuggelten Medikamente" буюу "Монголын дипломатууд эм хууль бусаар хил давуулж байжээ" гэсэн гарчигтайгаар bilde.de сайтад гарсан байна.
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
Үндсэн хуульд нэмэлт өөрчлөлт оруулахыг та зөв гэж бодож байна уу?
  • Тийм
  • Үгүй
  • Мэдэхгүй