Морин шоргоолжнууд мөнгийг нь зоогложээ
2019 оны 8 сарын 23
Индонезийн Өмнөд Жакарта хотын оршин суугч нэгэн бүсгүй 10 сая рупи (380 сая төгрөг)-гээр “зоог барьж” орхисон морин шоргоолжнуудыг хэвлэлийнхэнд “матжээ”.

“Би шавьж хооллох гэж мөнгө хураагаагүй. Эмээдээ 3 сая рупи өгсөн ч авахгүй болохоор, шүүгээнд нь хийгээд хэрэгтэй үедээ авч хэрэглээрэй гээд үлдээсэн юм” хэмээн Путри Баддин (Putri Buddin) сэтгүүлчдэд ярьсан байна.

Харин эмээ нь мөнгийг хэрэглэх нь бүү хэл өөрөө мөнгө нэмж хураан 10 гаруй сая рупи цуглуулсан байсан гэнэ.

“Би энэ тухай мэдээгүй. Мөнгөний тухай мартчихсан байсан” гэж ярих бүсгүй эмээгээ таалал төгссөний дараа шүүгээг нь нээж үзээд морин шоргоолжнуудын сэглэсэн мөнгөнүүдийг олжээ.

Шавьжнууд 5,4 саяыг нь оролдоогүй бусдыг нь гэмтээсэн байсан бөгөөд банк нэг сая рупиг л сольж өгсөн байна.

“Банк мөнгөн дэвсгэртийн 33-аас бага хувь нь гэмтсэн бол сольж өгдөг юм байна. Оргүйгээс охинтой шүү” хэмээн Путри Баддин өгүүлжээ.
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
Үндсэн хуульд нэмэлт өөрчлөлт оруулахыг та зөв гэж бодож байна уу?
  • Тийм
  • Үгүй
  • Мэдэхгүй