Борголын хаягдлаар баяжна
2019 оны 9 сарын 2
Удам дамжсан хараа зүйн мэргэжилтэн, Ochis Coffee компанийг үүсгэн байгуулагч, украин залуу Максим Гавриленко кофены хаягдлаар нүдний шил хийжээ.

“Борголоос гаргаж авсан дэлхийн хамгийн анхны нүдний шилний хүрээ. Гол давуу тал нь юу вэ гэж үү? Байгалийн гаралтай, органик, бүрэн задрахаараа онцлог гэх үү дээ. Ямар нэгэн хортой нэгдлүүдийг бий болголгүйгээр газрын хөрс, усанд арван жилийн дотор л бүрэн задарч алга болно” хэмээн зохион бүтээгч залуу өгүүлсэн байна.

Гавриленко нарны шилний хүрээг органик материалаар хийхээр гаа, яншуй, кардамон зэрэг олон ургамлаар оролдсон ч бүтэлгүйтсээр байж. Харин чанасан кофены шаарыг шахаж үзэхийг эхнэр нь санал болгосноор ахиц гарсан байна.

Кофены машинаас шууд хогын сав руу “тушаал буурдаг” байсан борголын шаарыг Киев хотын кофены газруудын бариста нараас цуглуулах болжээ.

Гарааны бизнесийн хөрөнгө босгодог Kickstarter сайтаас 10 мянган ам.доллар босгох санаатай эхний загваруудаа байршуулаад л шууд 13 мянган долларын хөрөнгө оруулалт татаж чадсан байна. Түүн рүү дэлхийн өнцөг булан бүрээс хүмүүс захидал бичиж захиалга өгөх болсон гэнэ.

Ochis Coffee брэнд нь одоогоор 89 ам.долларын үнэтэй “Арабика”, мөн 119-139 ам.долларын үнэтэй дээд зэрэглэлийн хүрээнүүд бүхий хоёр цуглуулгыг гаргаад байгаа аж.
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
Үндсэн хуульд нэмэлт өөрчлөлт оруулахыг та зөв гэж бодож байна уу?
  • Тийм
  • Үгүй
  • Мэдэхгүй