“Садар” нохой эзнээ өрөнд оруулав
2019 оны 9 сарын 3
АНУ-ын Хойд Каролина мужийн оршин суугч 58 настай Томас Барнс (Thomas Barnes) тэжээвэр нохой нь зурагтын удирдлагаар тоглосны улмаас төлбөртэй порно сувагт холбогдсон хэмээн гомдол мэдүүлжээ.

Франц хав Марино нь орон дээр нь үсэрч тоглож байгаад зурагтын удирдлагад хүрсний “ачаар” гэрийн эзэн сарын 70 ам.долларын төлбөртэй Hustler порно сувгийн хэрэглэгч болсон байна.

Дэлгэцэн дээр нь мэдээлэл  гарсны дараа Барнс телевизийн үйлчилгээ үзүүлдэг Direct TV-ийн утсанд холбогдож учрыг тайлбарлажээ. Компанийн ажилтан алдааг яаралтай залруулна гэдгээ амласан боловч одоог болтол садар сувгийг салгаагүй байгаа гэнэ. Барнс хэд хэдэн удаа холбогдож сануулсан боловч тусыг эс олжээ.

Хөгжлийн бэрхшээлтэй иргэний тэтгэмж авдаг түүний хувьд 70 долларын төлбөр санхүүгийн багагүй дарамт болох учраас аргаа бараад Холбооны харилцаа холбооны зөвлөлд гомдол гаргасан байна.
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
Үндсэн хуульд нэмэлт өөрчлөлт оруулахыг та зөв гэж бодож байна уу?
  • Тийм
  • Үгүй
  • Мэдэхгүй