Сайд асан З.Баянсэлэнгэ нарт холбогдох хэргийг шүүхэд шилжүүлжээ
2019 оны 9 сарын 5
Нийслэлийн прокурорын газраас Сонгинохайрхан дүүргийн Эрүүгийн хэргийн анхан шатны шүүхэд Барилга, хот байгуулалтын сайд асан З.Баянсэлэнгэ, М.Болортуяа нарт холбогдох хэргийг ирүүлжээ. 

Дөрөвдүгээр сард болсон урьдчилсан хэлэлцүүлгийн шүүх хурлаас дахин мөрдөн байцаалтад буцаан шийдвэрлэсэн байсан хэрэг ийнхүү шүүхэд дахин ирсэн байна.

Тодруулахад, Барилга, хот байгуулалтын сайдаар ажиллаж байхдаа З.Баянсэлэнгэ албан тушаалын байдлаа урвуулан ашиглаж "Бэрэн групп" ХХК-ийн барьсан "Хангай" хотхоны орон сууцнаас 123 айлын орон сууцыг тендер зарлалгүйгээр худалдан авч улсын төсөвт 972.4 сая төгрөгийн хохирол учруулсан байж болзошгүй гэх хэргийг хуулийн байгууллагаас гурван жил гаруйн хугацаанд шалгаж байгаа юм.
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Санал асуулга
Үндсэн хуульд нэмэлт өөрчлөлт оруулахыг та зөв гэж бодож байна уу?
  • Тийм
  • Үгүй
  • Мэдэхгүй