Засгийн газар ”Жаст групп”-ийн асуудлаар прокурорт хандлаа
2019 оны 9 сарын 5
ЗГХЭГ-ын дарга Л.Оюун-Эрдэнэ Хөгжлийн банкны болон "Жаст групп" ХХК-тай холбоотой асуудлуудаар өнөөдөр мэдээлэл хийлээ. 

ЗГХЭГ-ын дарга Л.Оюун-Эрдэнэ:

"Жаст групп" ХХК Стандарт банкнаас 2009-2012 онд нийт 160.1 сая ам.долларын зээл авсан. Үүнд "Эрдэнэт үйлдвэр" ХК  баталгаа гаргасан асуудлаар АТГ-т хэрэг бүртгэлт нээгдсэн бөгөөд мөрдөн байцаах ажиллагаа явагдаж байна. Зээлдэгч "Жаст групп"-тэй холбоотой асуудал Лондоны арбитрын шүүх дээр хандагдаж, "Эрдэнэт үйлдвэр"-ийг баталгаа гаргасан гэж үзэн тус үйлдвэрийн дансыг битүүмжлэх нөхцөл байдал үүссэн. Тиймээс Стандарт банкинд төлөх 40 сая ам.долларыг "Эрдэнэт үйлдвэр"-ийн "Эрсдлийн сан"-гаас гаргасан. Үүнд төр хохирсон гэж үзэн прокурорын байгууллагад хандаж байна" хэмээлээ.


Мөн "Монгол Улсын Хөгжлийн банкнаас зээл аваад эргэн төлөөгүй төрд хохирол учруулж байгаа буюу авсан зээлээ хугацаанд нь төлөөгүй, хугацаат график алдагдсан гэж үзэн "Эрэл", "Хөтөл" ХК, "ТОСК" ТӨХК, "Монгол драй милк", "Кью Эс Си", "Капитал банк"-ийг прокурорын байгууллагад өгч байна.

Прокурорын байгууллагад Прокурорын тухай хуулийн 20.1-д заасан үндэслэлээр хандаж байна. Уг нь төр, нийтийн ашиг сонирхол хөндөгдөж байгаа асуудалд нь ЗГХЭГ биш прокурорын байгууллага нь хөөцөлддөг. Олон улсад ч тийм байдаг.

Төрд гарч байгаа асуудлыг араас нь хөөцөлддөг байвал хөрөнгө шамшигдах, ял завших асуудал багасах магадлалтай.

Манайд уг нь хууль бий. Гэхдээ хууль хэрэгжихгүй байна.

Хөгжлийн банкнаас зээл аваад эргэн төлөөгүйгээс 1.2-1.3 их наяд төгрөгийн асуудал яригдаж байна. Энэ зээл төлөгдөөгүйгээс Хөгжлийн банк зээл олгох боломжгүй болоод байгаа" гэж Л.Оюун-Эрдэнэ сайд мэдэгдлээ.


Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
Үндсэн хуульд нэмэлт өөрчлөлт оруулахыг та зөв гэж бодож байна уу?
  • Тийм
  • Үгүй
  • Мэдэхгүй