Аалзнаас айсандаа хүний аминд хүрчээ
2019 оны 9 сарын 9
Их Британид тээврийн хэрэгсэл жолоодон хөдөлгөөнд оролцож байхдаа анхаарал сэрэмж алдан хүний амь хохироосон этгээдийг гурван жил автомашин барих эрхийг нь хасчээ.

Наймдугаар сард 31 настай Литвийн иргэн Эдвинас Гилиус (Edvinas Gilius) Английн Уэст-Йоркшир гүнлэгийн Брэдфорд хотын нэгэн уулзвараар эргэж байхдаа автомашиных нь таазнаас гэнэт унжсан аалзтай “алалдан тулалдаж” байгаад жолоодлого алдан Mercedes-Benz C220 машинаараа нь гэрлийн шон мөргөжээ.

Гай болж гэрлийн шон зам хөндлөн гарч байсан 58 настай Жанет Кавуд (Janet Cawood)-ын толгой дээр унасан байна. Хатагтайг яаралтай эмнэлэгт хүргэсэн ч хүнд гэмтлийн улмаас 13 хоногийн дараа таалал төгссөн байна.

Есдүгээр сарын 6-нд болсон шүүх хурлаар Брэдфорд хотын шүүх Гилиуст нэг жилийн турш олон нийтийн ажил болон 220 цаг цалингүй ажил хийх, гурван жил тээврийн хэрэгсэл жолоодохыг хориглосон шийтгэлийг ногдуулжээ.

Эдвинас Гилиус хүний аминд хүрсэндээ ихэд гэмшин, сэтгэл санаагаар унан, осол гаргасан өдрөөсөө хойш машин огт жолоодоогүй тухай шүүх хурлын үеэр шүүгч ярьсан байна.
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
УИХ тарахыг та дэмжиж байна уу?
  • Тийм
  • Үгүй
  • Мэдэхгүй
  • Бусад