Алуурчинтай захидлаар харилцаад гэрлэхээр болжээ
2019 оны 9 сарын 12
Английн Баруун Йоркшир гүнлэгийн Шипли хотын оршин суугч 41 настай Трейси Боттомли (Tracey Bottomley) жилийн өмнөөс захидлаар харилцаж эхэлсэн Эрнест Отто Смит (Ernest Otto Smith) гэгч хоригдолтой гэрлэх бодолтой байгаагаа сэтгүүлчдэд ярьжээ.

“Би аймхай биш болохоор Эрнестээс айдаггүй. Тийм ээ, тэр алуурчин, бүүр хоёр хүний аминд хүрсэн хүн, ямар эрсдэл гаргаж байгаагаа ойлгож байгаа ч би түүнд үнэхээр хайртай. Хүнд алуулах хүсэх юм биш ч бид бүхэн хэзээ нэгэн өдөр энэ хорвоогоос явах л болно. Би түүний хохирогч болохоос айхгүй байна” хэмээн Трэйси бүсгүй өгүүлэв.

Фэйсбүүкт нийтлэгдсэн шоронгийн сурталчилгааг үзээд Боттомли бичиж эхэлсэн гэнэ. Гоонь болоод гурван жил болчихсон байсан учраас сониуч зан нь хөдлөсөн аж. Хоригдол эр ч үйлдсэн гэмт хэргээ тодорхой бичдэг байсан гэнэ.

Ойр дотны хүмүүсийн бүдүүлэг харьцаанаас үүссэн сэтгэцийн гэмтэл тэднийг ойртож дотносоход дөхөм болсон гэж бүсгүй үзэж байгаа юм. “Сүйт хархүү” нь хүүхэд насандаа гэр бүлийн хүчирхийлэлд өртдөг байснаасаа болж сэтгэл гутралд орж, хар тамхинд донтсон бол бүсгүйн гэр бүлийн бүтэлгүй амьдрал, хүнд хэцүү салалтаас болж ихэд сэтгэлээр хямарсан гэнэ.

Смит 2005 онд хоёр хүнийг амийг бүрэлгэснийхөө төлөө хугацаанаасаа өмнө суллагдах эрхгүйгээр хоригдсон байна. Трэйси бүсгүй сүйт залуугаа амьдаар нь хараагүй ч гэрлэхэд бэлэн байгаа гэнэ шүү.
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
Үндсэн хуульд нэмэлт өөрчлөлт оруулахыг та зөв гэж бодож байна уу?
  • Тийм
  • Үгүй
  • Мэдэхгүй