Мал аж ахуй эрхлэхийг хориглосон бүсээс 101 толгой малыг гаргав
2019 оны 9 сарын 12
Баянзүрх дүүргийн Засаг даргын Тамгын газраас иргэдийн ая тухтай, таатай орчинд амьдрах нөхцөлийг бүрдүүлж, эрүүл аюулгүй орчинг бий болгох зорилтын хүрээнд 2019 оны наймдугаар сарын 28-ны өдрөөс есдүгээр сарын 01-ний өдрийг хүртэлх хугацаанд дүүргийн мал аж ахуй эрхлэхийг хориглосон бүсэд үлдсэн малыг албадан гаргах ажлыг зохион байгуулжээ.

Дүүргийн Онцгой байдлын хэлтэс, Мэргэжлийн хяналтын хэлтэс,  дүүрэг дэх Цагдаагийн 2,3 дугаар хэлтэс, ‘’Баяндэмбэрэл’’ МЭҮА болон 11,21,23 дугаар хороотой хамтарсан 90 гаруй хүний бүрэлдэхүүнтэй ажлын хэсэг дээрх хугацаанд 11 дүгээр хорооны Эмийн ургамалд байрлах хорио цээрийн хашаанд тус хорооны 10 өрхийн нийт 101 толгой малыг хаших арга хэмжээ авсан байна.

Түүнчлэн, мал аж ахуй эрхлэхийг хориглосон бүсээс гараагүй үлдсэн малыг Төв аймгийн Эрдэнэ, Сэргэлэн, Сэлэнгэ аймгийн Орхонтуул, Налайх дүүргийн Городок, болон дүүргийн 20 дугаар хороо Богдын ам, 11 дүгээр хороо Сүүл давааны зөвшөөрөгдсөн бүсэд нүүлгэн шилжүүлжээ. 
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
Үндсэн хуульд нэмэлт өөрчлөлт оруулахыг та зөв гэж бодож байна уу?
  • Тийм
  • Үгүй
  • Мэдэхгүй