Рианна уучлалт гуйв
2019 оны 9 сарын 13
Халуухан барбадос бүсгүй, 31 настай дуучин Рианна (Rihanna) өөрийн Savage x Fenty брэндийн дотуур хувцасны шинэ загваруудаа танилцуулжээ.

Тэрбээр энэхүү арга хэмжээгээ Нью-Йорк хотод ихэд нууцлаг байдалтай зохион байгуулсан байна. Зочдыг гар утсаа орох хаалган дээр үлдээн орж, үзвэртээ анхаарал хандуулахыг хүссэн аж.


Шоунд эгч дүү  Жижи, Белла Хадид болон Кара Делевинь нарын алдартай загвар өмсөгчдөөс гадна цөөнгүй жүжигчин, бүжигчид загвар үзүүлсэн байна.


Рианна өөрөө ч загвар үзүүлсэн бөгөөд шоугаа нээж торон тачаангуй дотуур хувцас өмсөн гарч ирсэн гэнэ.

Шоуны дараа сэтгүүлчидтэй уулзах үеэр дуучин бүсгүй “Намайг хуруу гараа нэмэрлэлгүй зөвхөн нүүрээ ашиглаж мөнгө хийж байгаа хэмээн бодож байгаа байх. Тийм биш шүү. Өнөөдөр та бүхний үзэж сонирхсон бүх л загвар, жижиг зүйлс болгоныг би өөрөө бодож, сэтгэж зохион бүтээсэн. Энэ брэнд миний хувьд үр хүүхэд минь л гэсэн үг. Тиймээс эрхэмлэн дээдэлж, улам их сайжруулахыг оролдож байгаа” хэмээн ярьжээ.


Мөн бизнесээ амжилттай явуулж, хөл дээр нь зогсоохын төлөө дуучны ажлаа түр хугацаанд золиослохоос өөр аргагүй байгаагаа учирласан байна.

“Ойрын үед надаас шинэ уран бүтээл хүлээгээд хэрэггүй байх аа. Би дотуур хувцас, гоо сайхны бүтээгдэхүүндээ хамаг анхаарлаа төвлөрүүлсэн. Тийм учраас, сонсогч, үзэгч фэнүүдээсээ хүлцэл өчье. Та бүхэн минь тэвчээртэй хүлээж байгаарай” гэж Рианна өгүүлжээ.


Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
УИХ тарахыг та дэмжиж байна уу?
  • Тийм
  • Үгүй
  • Мэдэхгүй
  • Бусад