“Эрдэнэт” үйлдвэрт тогтоосон онцгой дэглэмийн хугацааг сунгахыг дэмжив
2019 оны 9 сарын 13
УИХ-ын Эдийн засгийн байнгын хорооны өнөөдрийн хуралдаанаар “Эрдэнэт" үйлдвэр төрийн өмчит үйлдвэрийн газар, “Монголросцветмет” төрийн өмчит үйлдвэрийн газарт тогтоосон онцгой дэглэмийн хугацааг сунгах тухай асуудлыг хэлэлцэж, зургаан сараар онцгой дэглэмийн хугацааг сунгахыг байнгын хорооны гишүүдийн 69.2 хувиар дэмжлээ.

Байнгын хорооны хуралдаанд ЗГХЭГ-ын дарга Л.Оюун-Эрдэнэ энэхүү асуудлыг танилцуулахдаа, "УИХ-ын 2017 оны 23 дугаар тогтоол, ҮАБЗ-ийн 2019 оны зөвлөмжийг хэрэгжүүлэх зорилгоор Засгийн газрын 2019 оны гуравдугаар сарын 16-ны өдрийн 91 дүгээр тогтоолоор Эрдэнэт үйлдвэр ХК, Монголросцветмет ХК-д үүсээд буй маргаантай нөхцөл байдлыг шийдвэрлэх, цаашид үйлдвэрлэлийн хэвийн үйл ажиллагааг хангах үүднээс хэрэгжүүлэх зайлшгүй шаардлага гарсныг харгалзан Засгийн газрын шууд хяналтад авсан.

Онцгой дэглэмийн хугацаанд үйлдвэрлэлийн хэвийн үйл ажиллагааг ханган төрийн өмчит үйлдвэрийн газар болгон өөрчлөн зохион байгуулж, санхүүгийн иж бүрэн шалгалт хийж, илэрсэн зөрчлийг арилгах, хууль зөрчсөн ашиг сонирхлын зөрчилтэй гэрээ хэлцэлтэй холбоотой асуудлыг хууль хяналтын байгууллагаар эцэслэн шийдвэрлүүлэхээр ажиллаж байна.

Дээрх хоёр хувьцаат компанийн үйл ажиллагаанд хийсэн шалгалтын дүнг ЗГ-ын хурлдаанаар хэлэлцээд, Дарханы төмөрлөгийн үйлдвэр, QSC ХК, Цемент шохой хувьцаат компани, Монголын зэс ХК, Цэц мөнх ХК, Гурван уул ХК зэрэг хуулийнэтгээдтай холбоотой зарим асуудлыг шалгуулах нь зүйтэй гэж үзэж, хууль зөрчсөн гэрээ хэлцэлтэй холбоотой асуудлыг шийдвэрлэхэд цаг хугацаа шаардлагатай байна. 

Иймд Монгол Улсын Засгийн газарт эрх олгох тухай хуулийг үндэслэн Эрдэнэт ТӨҮГ, Монголросцветмет ТӨҮГ-т тогтоосон онцгой дэглэмийн хугацааг сунгах асуудлыг байнгын хороонд оруулж байна" гэв. 

Одоо УИХ-ын чуулганы нэгдсэн хуралдаанаар хэлэлцэнэ.
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
УИХ тарахыг та дэмжиж байна уу?
  • Тийм
  • Үгүй
  • Мэдэхгүй
  • Бусад