Төөрсөн нохой эзнээ 4 жил хүлээжээ
2019 оны 9 сарын 14
ШТС-ын ойролцоо төөрсөн “БонБон” нэртэй нохой эзнээ дөрвөн жил хүлээсэн тохиолдол Тайландад гарчээ.

Шатахуун түгээх газрын зам дагуу эргэлдэх болсон нохойг нутгийн иргэд хооллож ундлан Лео гэсэн алдрыг хайрласан байна. Нэгэн бүсгүй гэртээ аваачин тэжээхийг оролдсон ч Лео эзнээсээ төөрсөн газраа ирэн хүлээгээд суучихдаг байжээ.

Нутгийн иргэд нохойн эзнийг олохыг шийдэн нийгмийн сүлжээнд мэдээлэл, гэрэл зургийг нь оруулсан байна. Хэсэг хугацааны дараа нэгэн гэр бүлийн хүмүүс холбогдож БонБон нохойгоо алдсаныхаа дараахан тарааж байсан зарлалаа явуулжээ. 

Эцэг эхээ эргэхээр холын замд гарсан залуусыг нэгэн ШТС-аас автомашиндаа шатахуун цэнэглэж байх зуур нохой нь алга болсон байна. Ойр хавиар нь хайгаад олоогүй тул аргагүйн эрхэнд явцгаасан аж.

Есдүгээр сарын 9-нд төөрөлдсөн “нөхөд”-ийн халуун дулаан уулзалт болж, БонБон нохой гэртээ харихаар болжээ.
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
УИХ тарахыг та дэмжиж байна уу?
  • Тийм
  • Үгүй
  • Мэдэхгүй
  • Бусад