Зам тээврийн ослоор тав хоногт 9 хүн амиа алджээ
2019 оны 9 сарын 14
2019 оны есдүгээр сарын 9-13-ны хооронд зам тээврийн ослын улмаас 32 хүн гэмтэж, есөн хүн амиа алджээ. Үүнээс 8  хүүхэд хүнд, хүндэвтэр гэмтэж, хоёр хүүхэд амиа алдсан харамсалтай явдал болжээ.

Тухайлбал, Завхан аймгийн Баянтэс сумын шороон замд Тоёота Лэнд Круйзер - 80 автомашины жолооч явган зорчигч 1 нас 5 сартай эрэгтэй хүүхдийг, нийслэлийн Баянзүрх дүүрэг, Хужирбулангийн замд Субару Форестер автомашины жолооч явган зорчигч 13 настай эрэгтэй хүүхдийг тус тус мөргөж амь насыг нь хохироожээ.

Энэ өдрүүдэд онхолдсоны улмаас дөрвөн хүн амь насаа алдсан байна.

Сүхбаатар аймгийн Сүхбаатар сумын нутаг дэвсгэрт Dayung маркийн мотоцикл онхолдож, жолооч 38 настай, эрэгтэй Э, Архангай аймгийн Хангай суманд Хьюндэй Портер маркийн Г жолоочтой автомашин онхолдож зорчигч 30 настай, эмэгтэй О, Хөвсгөл аймгийн Алаг-Эрдэнэ сумын нутаг дэвсгэрт Мустанг-5 маркийн мотоцикл онхолдож жолооч 59 настай, эрэгтэй Д, Ховд аймгийн Буянт суманд Тоёота Приүс маркийн Н жолоочтой автомашин онхолдож зорчигч 35 настай, Д нар амиа алджээ.

Түүнчлэн Дорноговь аймгийн Өргөн сумын нутаг дэвсгэрт Хаожи маркийн мотоциклийн жолооч Б нь, явган зорчигч 49 настай, эмэгтэй М-г мөргөж, нийслэлийн Хан-Уул дүүрэг, Яармагийн гудамж орчимд Тоёота Лэнд Круйзер - 200 автомашины жолооч Д нь явган зорчигч 33 настай, эрэгтэй Ү-г мөргөж амь насыг нь хохироосон байна.

Энэ 7 хоногт бүртгэгдсэн зам тээврийн осол, хэргийг өмнөх 7 хоногийн нөхцөл байдалтай харьцуулахад нийт дуудлага мэдээлэл 16.6 хувиар, зам тээврийн ослын шинжтэй дуудлага 21.3 хувиар, гэмтсэн хүний тоо 14.2 хувиар, нас барсан хүний тоо 12.5 хувиар тус тус өсжээ.

Иймд бүсээ бүсэлж, хурдаа тохируулж, замын хөдөлгөөнд соёлтой оролцохыг Тээврийн цагдаагийн албанаас анхаарууллаа.

Согтуугаар тээврийн хэрэгсэл жолоодсон 122 жолоочийг илрүүлж, эрхгүй үедээ согтуугаар тээврийн хэрэгсэл жолоодсон 34 хүнийг шүүхээр баривчилж хуулийн дагуу хариуцлага тооцсон байна.   

Эх сурвалж: ТЦА
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
УИХ тарахыг та дэмжиж байна уу?
  • Тийм
  • Үгүй
  • Мэдэхгүй
  • Бусад