Шон Ливингстон зодгоо тайллаа
2019 оны 9 сарын 14
“Алтан мужийн дайчин” Шон Ливингстон ҮСБХ-ны тамирчны замналаа өндөрлүүлж байгаагаа Инстаграм хуудсандаа зарлсан байна.

Сүүлийн таван жилийн “Голден Стэйт Уорриорз”-ийн бүрэлдэхүүнд өнгөрүүлэхдээ Шон аваргын бөгжийг гурван удаа зүүсэн билээ. 

2004 оны драфтын дөрөвдэх сонголтоор “Лос Анжелес Клипперс”-т ирж гурав улирлыг тус багт өнгөрөөж байсан Ливингстон “Майами Хит”, “Оклахома Сити Тандер”, “Вашингтон Уизардс”, “Шарлотт Хорнетс”, “Милуоки Бакс”, “Кливлэнд Кавальерс”, “Брүүклин Нэтс” болон “Голден Стэйт Уорриорз” багийн бүрэлдэхүүнд тоглож байсан юм.


Түүнийг 2007 оны хоёрдугаар сард зүүн өвдгөө хүнд гэмтээхэд эмч нар хөлийг нь тайрч магадгүй хэмээн сануулж байсан гэдэг. Олон сар эмчилгээ хийлгэсний эцэст Шон 2008 оны зун талбай дээрээ эргэн ирж байсан билээ.
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
УИХ тарахыг та дэмжиж байна уу?
  • Тийм
  • Үгүй
  • Мэдэхгүй
  • Бусад