Нэгдүгээр цэцэрлэгт НМХГ, ХӨСҮТ хамтран ажиллаж байна
2019 оны 9 сарын 16
Сүхбаатар дүүргийн Нэгдүгээр цэцэрлэгийн хүүхдүүд цусан суулгац өвчнөөр өвчилж, Халдварт өвчин судлалын үндэсний төвд /ХӨСҮТ/ хэвтэн эмчлүүлж байна гэсэн мэдээлэл хэвлэлүүдээр гарч байна. 

Нийслэлийн мэргэжлийн хяналт болон ХӨСҮТ хамтран шинжилгээ хийсэн байгаа бөгөөд хариу нь есдүгээр сарын 20-ны өдөр гарах гэнэ.

Нийслэлийн мэргэжлийн хяналтын газраас тодруулбал, "Өнгөрөгч бямба гарагт эцэг эхчүүдээс дээрх асуудлаар гомдол тус байгууллагад ирсэн. Үүний дагуу тус байгууллагаас хяналт тавьж байгаа аж. Одоогоор хоёр бүлгийн үйл ажиллагааг зогсоосон. Өвчний голомтод ХӨСҮТ-тэй хамтран ажилласан” гэсэн мэдээллийг өгөв.

Харин энэ талаар ХӨСҮТ-өөс тодруулахад, "Урд шөнө Нэгдүгээр цэцэрлэгийн хоёр хүүхэд /2019 оны есдүгээр сарын 15-наас 16-нд шилжих шөнө/ ХӨСҮТ-д ирсэн. Хүүхдүүдээс шинжилгээ авсан, хариу нь гараагүй байгаа учир чухам ямар халдвар болох нь тодорхойгүй байна. Одоогоор тус цэцэрлэгийн хоёр хүүхэд ХӨСҮТ-д хэвтэн эмчлүүлж байгаа.

Хүүхдүүдийн бие гайгүй байна. Өнөөдөр ХӨСҮТ-ийн эмч нар тус цэцэрлэгт ажиллаж, үзлэг шинжилгээ хийнэ. Зарим сайтад мэдээлсэн шиг нэг ангийн 30-40 хүүхэд халдвар авсан зүйл байхгүй. Чухам ямар халдвар, ямар шалтгаантай болох нь халдвартын эмч нарын үзлэг шинжилгээгээр тодорхой болно" гэв.
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Санал асуулга
УИХ тарахыг та дэмжиж байна уу?
  • Тийм
  • Үгүй
  • Мэдэхгүй
  • Бусад