Шинэ нисэх буудалтай холбосон хурдны тууш замын хөдөлгөөнийг нээжээ
2019 оны 9 сарын 17

Төв аймгийн Сэргэлэн сумын нутаг дэвсгэрт баригдаж буй Хөшигийн хөндийн олон улсын шинэ нисэх буудлыг Улаанбаатартай холбосон 32 километр урт тууш замын хөдөлгөөнийг нээжээ.

Уг зам нь нийт 32.226 км урт, 31.0 м өргөн, хоёр урсгал бүхий 6 эгнээ асфальт бетон хучилттай. Хурд хэмжигч болон камерууд суурилуулсан олон улсын стандартад нийцсэн зам юм.

Тууш зам нь “Яармагийн товчоо - Айцын даваа - Түргэний гүүр - Бөхөгийн хөтөл -Хөшигийн хөндий” гэсэн чиглэлтэй бөгөөд цааш үргэлжлэн Зуунмод, Мандалговийн автозамтай нийлдэг. Тиймээс жолооч та бүхэн уг замыг сонгон хөдөлгөөнд оролцсон бол хөдөлгөөнөө үргэлжлүүлэхийг Тээврийн цагдаагийн албанааас зөвлөлөө.

Замын хөдөлгөөний дүрэмд заасны дагуу тууш замд:
явган зорчигч,
ердийн хөсөг,
унадаг дугуй, мопед,
трактор болон өөрөө явдаг машин механизм,
техникийн дээд хурд нь цагт 40 км-ээс илүүгүй тээврийн хэрэгслийн хөдөлгөөнийг тус тус хориглоно.

Тууш замд:

жолоодлогын дадлага хийх
ухрах болон буцаж эргэх;
түр ба удаан зогсох;
бүх жин нь 3.5 тонноос их ачааны автомашин зорчих хэсгийн баруун гар талын нэг ба хоёр дахь эгнээнээс бусад эгнээгээр явахыг тус тус хориглоно.
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
УИХ тарахыг та дэмжиж байна уу?
  • Тийм
  • Үгүй
  • Мэдэхгүй
  • Бусад