Хүнд өвчтэй бүсгүй Зул сарын баяраа есдүгээр сард тэмдэглэв
2019 оны 9 сарын 20
Хорт хавдрын улмаас хоёрхон долоо хоног амьд явах “хугацаа”-тай англи бүсгүй нөхөр, гурван хүүхдийнхээ хамт Зул сарын баяраа саяхан тэмдэглэн өнгөрүүлжээ.

2015 онд 33 настай Сара МакЛафлин (Sara McLaughlin) хөхний хорт хавдартай хэмээн оношлогдож, удаан хугацаагаар хими, туяаны эмчилгээ хийлгэсэн ч бүрэн гүйцэд эдгэрээгүй байна.

Есдүгээр сарын 6-нд хүзүүндээ өвдөлт мэдрээд эмчдээ үзүүлтэл сүүлийн шатандаа орсон хавдар нь бүхэл биеэр нь тархаж эхэлсэн тул хоёр долоо хоногоос илүү амьд явах хугацаа үлдээгүйг мэджээ.

Бүсгүй эмнэлэгт үлдэхээс татгалзаж, сүүлийн өдрүүдээ гэр бүлийнхээ хамт гэртээ өнгөрүүлэхээр шийдсэн байна. Тэрбээр сүүлчийн удаа Зул сарын баяраа хамтдаа тэмдэглэхийг хүссэн тул түүний нөхөр Стивен 19 настай охин Кейси, 11-тэй хүү Кай, 4 настай Кианы хамт гацуур модоо чимэглэн баяраа тэмдэглэжээ.
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
УИХ тарахыг та дэмжиж байна уу?
  • Тийм
  • Үгүй
  • Мэдэхгүй
  • Бусад