Сургууль, цэцэрлэгийн газрыг хууль зөрчин олгосныг цуцалж эхэлжээ
2019 оны 9 сарын 20
Сургууль, цэцэрлэг, эмнэлгийн газарт газар эзэмших эрх олгогдсон зарим иргэн, хуулийн этгээдийн газар эзэмших эрхийн гэрчилгээг хүчингүй болгох тухай Нийслэлийн Газар зохион байгуулалтын албаны Газар ашиглалт, бүртгэлийн хэлтсийн дарга Д.Бат-Өлзий, Газар ашиглалт, бүртгэлийн хэлтсийн ахлах мэргэжилтэн М.Сэргэлэн, Сүхбаатар дүүргийн Газар зохион байгуулалтын албаны дарга Д.Сугар нар өнөөдөр хэвлэлийн бага хийлээ. 

Мөн хурлаар олон улсын хүүхдийн “Найрамдал” зусланд газар олгосон хууль бус захирамжуудыг хүчингүй болгох тухай болон газрын зөрчил арилгах арга хэмжээний хэрэгжилтийн талаар мэдээлэл өгсөн юм.

263 байршилд 449 обьект чөлөөлснийг төрлөөр нь авч үзвэл хашаа, хайс 346, өргөтгөл найм, ТҮЦ 32, гараж, контейнер 63-ыг буулгаж тус тус газар чөлөөлсөн. Газар чөлөөлөх ажил хийгдсэнээр хорооллын дундах авто замын 87 байршилд орц, гарц нээгдэж, нийтийн эзэмшлийн 31 байршлын 4151 ам метр газар, явган хүний зам хаагдсан 56 байршилд 10189 ам метр талбай чөлөөлөгдсөнөөр тохижилт хийх, газар ашиглалтыг сайжруулах арга хэмжээ авах боломжтой болжээ. Хоёрдугаар шатны газрын зөрчил арилгах арга хэмжээний хүрээнд 198 байршлаас 96 байршилд зөрчил арилгаж, ажлын гүйцэтгэл 49 хувьтай хэрэгжиж байна.

Мөн "Найрамдал" олон улсын хүүхдийн зуслангийн газарт зөвшөөрөл авсан ч үйл ажиллагаа явуулаагүй 24 байршилд газар эзэмших гэрчилгээг 9 сарын 5-ны захирамжаар хүчингүй болгожээ. Нийт 103 иргэн, ААН-ийн зөвшөөрлийг судалсан бөгөөд 69-ийг нь Мэргэжлийн хяналтын газарт шилжүүлээд байгаа юм байна. Иргэд хууль бусаар газрын эрхийг цуцалж байна хэмээн нэхэмжлэл гаргаад байгаа бөгөөд нөхөн төлбөртэй холбоотой маргаан шүүхэд шилжээд байгаа юм байна. 

Нийслэлийн хэмжээнд сургууль, цэцэрлэг, эмнэлгийн 45 байгууллагын газраас 2.9 га газрыг хасч иргэн, ААН-д олгосон хууль бус үйлдэл гарчээ. Дээрх зөвшөөрлүүдийг хүчингүй болгох арга хэмжээг эхлүүлээд байгаа юм байна.
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
УИХ тарахыг та дэмжиж байна уу?
  • Тийм
  • Үгүй
  • Мэдэхгүй
  • Бусад