Хавигийн мөрөөдөл Барса, Премьер лиг...
2019 оны 9 сарын 24
Испанийн шигшээ болон “Барса”-гийн шидтэнүүдийн нэг, өдгөө Катарын “Аль Садд” багийг дасгалжуулж буй Хави дасгалжуулагчийн ажлынхаа мөрөөдлөөсөө хуваалцсан байна.

“Европ тивдээ буцаж очин, “Барселона”-д ажиллах нь миний гол зорилго гэдгийг би нуухгүй. Энэ нь миний хувьд их том сорилт байх болно. Гэхдээ би одоохондоо суралцаж, түүнээсээ таашаал авч байна.

Тоглогч байхдаа л би “Барса”-д дасгалжуулагчийн хувиар эргэн ирэхийг хүсдэг байсан. Ийм багийг удирдах  нь ховорхон олдох онцгой боломж юм. Тийм ч учраас “Барселона”-д эргэн очих нь миний хувьд нэр төрийн хэрэг байх болно.

Мэдээж энэ бол миний гол зорилго ч, Английн Премьер лиг таалагддаггүй хүн байдаг юм уу? Цэнгэлдэх хүрээлэнгүүд, цэнгэлдэх доторх уур амьсгал... Тэнд тоглодог, тоглож байсан залуус энэ бүхнийг ер бусын, үнэхээр гайхамшигтай гэдэг.

Хэрэв надад боломж олдвол “Арсенал”, “Тоттенхэм”, “Челси”, “Манчестер Сити” юм уу эс бөгөөс “Юнайтед” гэсэн том багуудыг сонгох байсан” хэмээн Хави өгүүлжээ.
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
УИХ тарахыг та дэмжиж байна уу?
  • Тийм
  • Үгүй
  • Мэдэхгүй
  • Бусад