Э.Бат-Үүлийн гомдлыг хэлэлцэх шүүх хурал хойшилжээ
2019 оны 9 сарын 28
Ерөнхийлөгч Х.Баттулга, Ерөнхийлөгчийн Тамгын газрын дарга З.Энхболд нарын гомдлоор хотын дарга асан Э.Бат-Үүлд Зөрчлийн хуулиар хоёр сая төгрөгийн торгууль тавьсан. Харин Э.Бат-Үүл энэ шийдвэрийг нь үндэслэлгүй гэж үзэн, Сүхбаатар дүүргийн эрүүгийн хэргийн анхан шатны шүүхэд хандсаныг өчигдөр хэлэлцэх байсан ч хуулийн байгууллагын холбогдох эрх бүхий албан тушаалтнууд хүндэтгэх шалтгааны улмаас ирээгүй тул шүүх хурлыг ирэх сарын 1-ний 14.00 цаг хүртэл хойшлуулжээ.

Уг асуудлын талаар Э.Бат-Үүл “Би хууль зөрчиж торгосон гэдгийг зориуд хэлэхийг хүсч байна. Өмгөөлөгчтэйгөө мэдүүлэг өгнө өө гэж хэлсээр байтал шууд торгочихсон. Надаас ямар ч байцаалт мэдүүлэг аваагүй. Энэ нь нэг талын захиалгаар хийгдсэн. Би М.Энхсайханыг баривчлах үйл явцыг буруушааж жиргэхэд З.Энхболд намайг нэр төрд халдсан гэж шүүхэд гомдол гаргасан.

Асуудлын гол нь хуулийн байгууллагууд нэг хүний хүсэлтээр ажиллаж, шууд торгууль тавьж болохгүй. Мөн Ерөнхийлөгчийн тамгын газрын дэд дарга Г.Байгалмаа намайг ерөнхийлөгчийн нэр төрд халдсан, бүр төрийн байгууллагуудын нэр хүндэд халдсан гэж гомдол үүсгэсэн.

Үүн дээр бас торгууль тавьсан. М.Энхсайхныг баривчлах үед З.Энхболд хууль шүүхийн байгууллагын ямар ямар хүнтэй утсаар ярьсан, холбоо тогтоосон байж болохыг би шалгуулна. Надад мэдээллийн эх сурвалж бий. Би эх сурвалжаа нууцлах эрхтэй. Ер нь сүүлийн үед ЕТГ-ын дарга утсаа шүүрч аваад дуртай прокурор, хууль шүүхийн хүмүүс рүү ярьдаг болсон. Үүнийг шалгуулах хүсэлтэй байна” гэв.
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Санал асуулга
УИХ тарахыг та дэмжиж байна уу?
  • Тийм
  • Үгүй
  • Мэдэхгүй
  • Бусад