Монгол-Японы сургалтын эмнэлэг өнөөдрөөс иргэдийг эмчилж эхэллээ
2019 оны 10 сарын 1
2016 оны гуравдугаар сараас барьж эхлэн энэ оны эхээр дууссан Ботаникийн цэцэрлэгт хүрээлэнд байрлах Монгол-Япон сургалтын эмнэлгийн барилгыг гуравдугаар сард Улсын комисс шалгаж, зургадугаар сарын 17-нд тууз хайчлан нээлтээ хийсэн.

Нээлтээ хийсэн хэдий ч өнөөдрийг хүртэл иргэдэд үйлчилж эхлээгүй байсан АШУҮИС-ийн дэргэдэх Монгол-Японы сургалтын эмнэлгийн үйл ажиллагааг албан ёсоор эхлүүлэх нээлтийн ажиллагаа өнөөдөр боллоо.

Япон улсын буцалтгүй тусламж, ЖАЙKA олон улсын байгууллагын төслийн хүрээнд баригдаж буй уг сургалтын эмнэлэг ашиглалтад орсноор АШУҮИС-ийн багш, оюутнууд сургалт хийхээс гадна амбулатори, хэвтэн эмчлүүлэх тасаг бүхий 104 орны хүчин чадалтайгаар үйл ажиллагаа явуулна.

Менежментийн багийг 2017 онд байгуулсан бөгөөд эмч, мэргэжилтнүүдийг Япон улсад туршлага судлуулах, Япон талын мэргэжилтнүүд Монголд ирж сургалт явуулах гээд маш олон удаагийн сургалтыг зохион байгуулсан юм.
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
УИХ тарахыг та дэмжиж байна уу?
  • Тийм
  • Үгүй
  • Мэдэхгүй
  • Бусад