Почеттино хүнд цохилтод оров
2019 оны 10 сарын 2
Английн “Тоттенхэм” багийн ахлах дасгалжуулагч Маурисио Почеттино Аваргуудын лигийн хэсгийн шатны тоглолтод “Бавария”-гаас авсан гашуун (2:7) ялагдлынхаа талаар тайлбар хийжээ.


“Тайлбар хийхэд надад их хугацаа хэрэггүй. Бид 30 минут сайн тоглосон. Нэгдүгээр үеийн төгсгөлд, шүүгчийн мэдлийн цагт гоол алдаж азгүйтсэн.

Өрсөлдөгч маань олдсон боломжуудаа сайн ашиглалаа. Торгуулийн цохилтоор гоол оруулсныхаа дараа бид гуравдахь бөмбөгөө айлын хаалганд оруулангаа алдсан ч харамсалтай нь 83-аас 88 дахь минутын хооронд гурван бөмбөг өөрийнхөө хаалганд алдчихсан.

Хөлбөмбөгт ийм зүйлс тохиолддог. Бидэнд их хэцүү байгаа ч бид нэг баг. Манай залуус сэтгэлзүйгээр хүчтэй. 

Айлын багийн цохисон бөмбөг болгон манай хаалганд орж байсан. Иймэрхүү асуудалтай тулгарах үе гардаг. Хэдийгээр хүнд байгаа ч, хүчтэй байж, цаашаагаа явах л хэрэгтэй.

Ийм тоглолтын дараа өөрсөддөө итгэх итгэлээ хурдан л олж авах хэрэгтэй. Энэ бол сэргэлт авах цорын ганц арга” хэмээн Маурисио сэтгүүлчдэд ярьжээ.
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
УИХ тарахыг та дэмжиж байна уу?
  • Тийм
  • Үгүй
  • Мэдэхгүй
  • Бусад