Газрын тос боловсруулах үйлдвэрийн хэрэгцээнд 250 га газрыг нэмж авна
2019 оны 10 сарын 2
Өнөөдөр болсон Засгийн газрын ээлжит хуралдаанаар газрын тос боловсруулах үйлдвэрийн хэрэгцээнд 250 га газрыг нэмж авахаар шийджээ. 

“Засгийн газрын хуралдаанаар хэлэлцсэн асуудлын нэг нь  Дорноговь аймгийн Алтанширээ суманд баригдаж байгаа газрын тос боловсруулах үйлдвэрийн хэрэгцээнд 250 га газрыг улсын тусгай хэрэгцээнд авах шийдвэрийг гаргалаа. Өмнө нь 150 га газрыг газрын тосны үйлдвэрийн тусгай  хэрэгцээнд аваад байсан бол нэмэлтээр 250 га газрыг мөн тусгай хэрэгцээнд авснаар нийтдээ 400 га газрыг газрын тос боловсруулах үйлдвэрийн тусгай хэрэгцээнд авч байна. 

Энэ сарын 8-ны өдөр Энэтхэгийн Ерөнхий сайд манай улсад айлчилна. Энэ үеэр Ерөнхий сайд У.Хүрэлсүх Дорноговь аймгийн Алтанширээ суманд баригдаж байгаа газрын тос боловсруулах үйлдвэрийн бүтээн байгуулалт болон дэд бүтцийн явцтай танилцана. Үйлдвэрийн бүтээн байгуулалтын ажлууд маш богино хугацаанд хийгдэж дууссан. Төмөр зам, автозам, цахилгаан дамжуулах шугам зэрэг хийгдэж дууссантай холбоотойгоор газрын тосны үйлдвэрийн хүнд тоног төхөөрөмжүүдийг зөөвөрлөх ажил ирэх оны гуравдугаар сараас эхэлнэ. Үйлдвэрийн ТЭЗҮ ирэх арваннэгдүгээр сар гэхэд эцэслэгдэн гарна" гэж Засгийн газрын ХМОНХХ-ийн дарга Ц.Ганзориг мэдээлэв.
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
УИХ тарахыг та дэмжиж байна уу?
  • Тийм
  • Үгүй
  • Мэдэхгүй
  • Бусад