Гэртээ нас барсан хүнийг найман жилийн дараа л олжээ
2019 оны 10 сарын 4
ХБНГУ-ын Зенден хотын гал сөнөөгчид найман жилийн өмнө таалал төгссөн хүний араг ясыг олжээ.

Орон сууцны хонгилд гарсан гал түймрийг унтраахаараа ирсэн гал сөнөөгчид тус байрны оршин суугчдын аюулгүй байдлыг хангахын тулд айл болгоныг шалгаж явжээ. Нэг айл хаалгаа тайлаагүй тул хүн, амьтан дотор нь байхгүйг шалгахын тулд хаалгыг нь эвдэн ороод нас бараад удсан хүн болон нохойн араг ясыг олсон байна.

Тус байрны эзэн 59 настай Хайнц Х (Heinz H)-г хамгийн сүүлд 2011 онд амьд сэрүүн байхыг харж байжээ. Талийгчийн шуудангийн хайрцаг дүүрч, гудамжинд тавьсан автомашин нь тоос шороонд дарагдан, дугуйнуудынх хий нь гарч шалчийсан байсан гэнэ.

Түүний хөрш бүсгүй Анжелика Хавенер (Angelika Havener) тухайн үед давхраас нь гарч байсан муухай үнэрийн тухай СӨХ болон цагдаагийн байгууллагад хэлж байсан ч үл тоосон аж.
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
УИХ тарахыг та дэмжиж байна уу?
  • Тийм
  • Үгүй
  • Мэдэхгүй
  • Бусад