Хуримын бөгжний төлөө банк дээрэмджээ
2019 оны 10 сарын 9
Сүйт хархүү гэрлэх ёслолынхоо урд өдөр хуримын бөгж авахын тулд банк дээрэмдсэн хэрэг АНУ-ын Техас мужийн Гроутон хотод гарчээ.

Аравдугаар сарын 4-ны баасан гарагийн өглөө Хит Эдвард Бампус (Heath Edward Bumpous) гэгч этгээд Citizens State Bank-нд дайран орж бэлэн мөнгө нэхсэн байна.

Дээрмийнхээ дараа банкнаас холгүй газар хувцас болон гар буугаа хаясан байсныг цагдаагийн ажилтнууд олж авчээ. Хууль сахиулах байгууллагынхны Фэйсбүүкээр цацсан хяналтын камерын бичлэгээс сүйт хархүүгээ таньсан бүсгүй цагдаагийн газарт өөрөө очихыг ятгаж дөнгөсөн байна.

Хуримын бөгж авахад мөнгө нь дутсан тул аргагүйн эрхэнд ийм хэрэг үйлдсэн гэсэн мэдүүлгийг өгсөн сүйт хархүү дээрэмдсэн мөнгөө дийлэнхийг нь буцаан өгсөн ч зэвсэглэсэн дээрмийн хэрэг үйлдсэн гэх ялыг тулган түүнийг хорьжээ.
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
УИХ тарахыг та дэмжиж байна уу?
  • Тийм
  • Үгүй
  • Мэдэхгүй
  • Бусад