Ерөө суманд баавгай айлын гэрийг ”буулгажээ”
2019 оны 10 сарын 10
Хэд хоногийн өмнө Сэлэнгэ аймгийн Ерөө суманд 54 настай О, найман настай хүү Б-ийн хамт баавгайд бариулсан харамсалтай хэрэг гарсан. 

Энэ аймшигт хэрэг явдлаас гадна Сэлэнгэ аймгийн Жавхлант, Хүдэр, Ерөө, Алтанбулаг зэрэг сумын нутаг дэвсгэрт хэд хэдэн удаа баавгай орж ирсэнтэй холбоотойгоор бэлэн байдал зарлаад байгаа билээ.

Тэгвэл саяхан тус сумын Бугант тосгоны Цагаантохой гэх газарт баавгай орж ирж, айлын гэрийг бусниулсан хэрэг гарчээ.

Энэ талаар Ерөө сумын иргэн Ш.С “Хадлангаа бэлтгэхдээ өвөлжөөндөө нэг гэрээ барьсан юм. Ингээд гэрээ шалгах санаатай очсон чинь баавгай ороод хамаг юмыг бусниулсан байсан. Бид айгаад дотогш орж чадаагүй л дээ. Харин малчин маань гэрийн дотор талыг очиж харсан юм билээ. Авах юмгүй болгосон гэсэн. Гал тогооны шүүгээг тэр чигт нь эвдэлж, хугалсан. Дотор байсан тогоо хүртэл гэрийн гадна талд гарсан дүр зурагтай байсан” хэмээн ярьсан юм. 

Тэдний өвөлжөө Сэлэнгэ аймгийн Ерөө сумаас 18 км, Бугант тосгоноос 50 гаруй километрийн зайтай аж.
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
УИХ тарахыг та дэмжиж байна уу?
  • Тийм
  • Үгүй
  • Мэдэхгүй
  • Бусад